Selektori grek nuk është i qetë para ndeshjes me Kosovën

Hendboll

Selektori grek nuk është i qetë para ndeshjes me Kosovën

Nga: K.G. Më: 8 janar 2022 Në ora: 19:02
Selektori grek nuk është i qetë para ndeshjes me Kosovën

Të dielën në orën 14.00 në palestrën e sportit “Dyo Aorakia”, do të ndeshen Greqia - Kosova, sfidë e vlefshme për xhiron e katërt të Grupit 1 të kualifikueseve për Kampionatin Botëror në hendboll (meshkujt). 

Greqia kryeson grupin me 6 pikë, pasojnë Turqia 4, Kosova 1 e Belgjika 1. 

Selektori i Greqisë, George Zaravina, tha se paksa ndihet më i qetë që janë kthyer pesë hendbollistë për sfidën me Dardanët. Kostakidis, Kritikos, Kandilas, Iliopoulos dhe Papadionysiou, kthehen në radhët e grekëve. 

“Ne kemi një javë të vështirë përpara, me dy ndeshje në shtëpi. Gjithmonë në grup, ndeshjet në shtëpi janë më të rëndësishmet.

Në ndeshjen kundër Kosovës, edhe pse kemi rikthimin e hendbollistëve, duhet ta menaxhojmë situatën, duke pasur parasysh mungesën e stërvitjes që kanë ata. Duhet të gjejmë një mënyrë për të nxjerrë më të mirën prej tyre”, tha mes të tjera Zaravinas, transmeton faqja e Federatës së Hendbollit të Greqisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat