Istogu në qiellin e shtatë, fiton Kupën e Kosovës për herë të katërt

Hendboll

Istogu në qiellin e shtatë, fiton Kupën e Kosovës për herë të katërt

Më: 15 maj 2022 Në ora: 22:44
Istogu në qiellin e shtatë, fiton Kupën e Kosovës për herë të katërt

Istogu e ka fituar Kupën e Kosovës në hendboll në konkurrencë të femrave. Të dielën në finale, Istogu e mposhti Ferizajn me rezultat 34:29.

Ndeshja u luajt në palestrën “Bill Clinton” në Ferizaj në praninë e mbi 1500 shikuesve. Atmosfera ishte e shkëlqyer, ndërsa nga afër ndeshjen e përcjellën edhe drejtues të MKRS-së dhe të KOK-ut.

Istogu e ka fituar Kupën e Kosovës për herë të katërt.

Seria fillestare 6:0 e Istogut e bëri dallimin. Epërsinë bindëse istogaset e mbajtën deri në fund të pjesës së parë, që përfundoi 17:12.
Në pjesën e dytë ferizajaset u munduan të kthehen në lojë. Madje u afruan deri në tri gola, 27:24, por Istogu megjithatë ia doli të kontrolloi lojën deri në fund.

Natalija Milatoviq me 9 gola ishte më efikasja te Istogu. Nga 6 i shënuan Esma Muratoviq, Anja Bojaniq e Dayane Da Rocha. U dallua edhe portierja Blerta Ahmetxhekaj.

Te Ferizaj, u dallua Ana Luisa Chaves me 12 gola. 7 i realizoi Meri Koneski.

Chaves u shpall lojtare e ndeshjes nga KHF Ferizaj. Te KHF Istogu, lojtare e ndeshjes ishte Esma Muratoviq, që u shpall edhe më i mira e turneut final.

Me finalen e hendbollisteve ka përfunduar “Final Four” i Kupës. Organizimi nga KHF Ferizaj ishte i shkëlqyer, për çka ky klub meriton lëvdata. Po ashtu edhe tifozët ferizajas që ishin në numër të madh gjatë të shtunës e të dielës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat