Gjuka: Do të fillojmë të përgatitemi për garat ndërkombëtare

Hendboll

Gjuka: Do të fillojmë të përgatitemi për garat ndërkombëtare

Më: 17 maj 2022 Në ora: 11:21
Gjuka: Do të fillojmë të përgatitemi për garat ndërkombëtare

Egzon Gjuka ka udhëhequr Besa Famgasin drejt triumfit në Kupën e Kosovës. Ai u shpall lojtari më i mirë i finales e po ashtu i “Final Four”. Në finalen ndaj Kastriotit, Gjuka i shënoi 8 gola.

“Ia arritëm qëllimit që e patëm si skuadër, që ta fitojmë kampionatin dhe Kupën e Kosovës. Është viti i nëntë me radhë që shpallemi kampionë të Kosovës.

Gjatë këtyre viteve tetë herë e kemi fituar Kupën e Kosovës. Kjo më së miri tregon seriozitetin, investimet dhe punën që bëhet në klubin Besa. Tani do t’i japim vetes pak pushim dhe pastaj do të fillojmë të përgatitemi për garat ndërkombëtare.

Do të punojmë shumë që të kemi paraqitje sa më të mira”, ka thënë Gjuka pas finales së luajtur në Ferizaj.

Besa e ka përfunduar me trofe të Kupës edicionin në të cilin kishte vetëm fitore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat