Sefedin Reçica dhe Muhamet Kilaj, ku gjenden legjendat?

Hendboll

Sefedin Reçica dhe Muhamet Kilaj, ku gjenden legjendat?

Nga: Kemajl Goca Më: 2 korrik 2022 Në ora: 15:46
Muhamet Kilaj, majtas dhe Sefedin Reçica, djathtas

Dy emra të spikatur të sportit, Sefedin Reçica dhe Muhamet Kilaj, ku gjenden sot? 

Ish hendbollistët e gjeneratës së artë përkatësisht ish Borcit të Ferizajt, në vitet e 70-ta dhe të 80-ta, disa vite në elitën e hendbollit ish jugosllav, sot jetojnë një jetë të qetë.

Reçica dhe Kilaj, sot janë të pa angazhuar në sportin e hendbollit, por si njëri dhe po ashtu edhe tjetrit, iu dhemb zemra që Kastrioti nuk e ka famën e dikurshme, nuk është kampion i Kosovës që 11 vite, nga koha kur Sami Çerkini ka qenë kryetrajner. 

As Kilaj e as Reçica nuk flasin për hendbollin as nuk duan të lëshohen as në lavde e as në kritika, por dëshira e tyre është që të rritet niveli dhe rivaliteti në tërë Superligën e Kosovës. 

Kilaj me prejardhje nga Deçani dhe më shumë se pesë dekada jeton në Ferizaj, shijon pensionimin. Reçica jeton e vepron në Belgjikë, por shpesh vjen në qytetin e Ferizajt, aty ku e kaloi rininë më të bukur.

Në vitet e pavarësimit të sportit të Kosovës, Reçica dhe Kilaj, u angazhuan maksimalisht në rezistencë kundër pushtuesit serb. 

Reçica ka qenë kryetar i Lidhjes së Sporteve të Ferizajt, një burrë i pathyeshëm, ndërsa Kilaj sekretar i parë i KH Kastriotit, një burrë me shumë vendosmëri dhe ka shumë për të thënë për dokumentet që ruan me fanatizëm, por ende e mban sekretin, për mos të shqetësuar  opinionin!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat