Strategjia e Bujar Qerimit, fitojnë kundër Universitetit të Koresë së Jugut 

Hendboll

Strategjia e Bujar Qerimit, fitojnë kundër Universitetit të Koresë së Jugut 

Nga: Kemajl Goca Më: 17 korrik 2022 Në ora: 22:36
Strategjia e Bujar Qerimit, fitojnë kundër Universitetit të Koresë së Jugut 

Njeriu i duhur në vendin e duhur!  Strategjia e Bujar Qerimit, selektorit A të Kombëtares së Kosovës (meshkujt), ishte çelësi i fitores së Universitetit të Prishtinës, me rezultat 33:30 ndaj Universitetit të Koresë së Jugut, në finalen që u zhvillua në palestrën e sportit “1 Tetori” në Prishtinë.

Federata e Hendbollit e Kosovës, nuk gaboi për asnjë milimetër që Bujar Qerimin e dërgoi si “huazim” të Universiteti i Prishtinës, për ndeshjet e Kupës Botërore universitare në hendboll.

E para, një eksperiencë e re për Qerimin por edhe një sukses që do të shënohet me shkronja të arta në Universitetin e Prishtinës, do të mbahet mend për suksesin më të madh në histori si trajner, kur është fjala për një garë universitare.   

Edhe homologu i tij kaloi mirë, Agron Shabani, arriti me femra të zërë vendin e tretë, duke fituar medaljen e bronztë, një sukses për lëvdatë. Por pa e harruar edhe Faruk Shalën, ndihmëstrajnerin, një faktor i pakontestueshëm në këtë sukses. 

Selektorët e Kombëtares A, Bujar Qerimi të meshkujt e Agron Shabani të femrat, sakrificën që bënë për djelmoshat e vashat, ia ka vlejtur, duke dalur ballëlart, i pari doli i artë dhe i dyti i bronztë.

Një sprovë e mirë për Qerimin dhe Shabanin por edhe një sukses në një garë mjaft interesante të Kupës Botërore universitare, që u zhvillua në kryeqytetin e Kosovës.

Sakrifica u shpërblye, lartësuan Universitetin e Prishtinës, pasuruan vitrinën dhe biografinë e tyre edhe me një sukses.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat