Safete Rifati: Nuk ka pas ofertë nga KHF Kastrioti, për të cilin luftova...

Hendboll

Safete Rifati: Nuk ka pas ofertë nga KHF Kastrioti, për të cilin luftova...

Nga: Kemajl Goca Më: 31 korrik 2022 Në ora: 20:02
Safete Rifati

Safete Rifati është prej ish hendbollisteve që më së shumti djersiti fanellën e ekipit të Kastriotit të Ferizajt, shtatë herë kampione e Kosovës në vitet e pas luftës. 

Rifati, për vite me radhë ka qenë kapitene e ekipit dhe në kohën e sukseseve më të mëdha, me trajneren më të mirë Valbona Zeqa..

Ajo ka qenë kapiteni e Lirie Muhaxherit, Vlora Jasharit, Merfide Salihut, Ganimete e Ramize Shabanit, Xhevrie Dibrës, Merfide Salihut, Arbëresha Jasharit, Valentina Qerimit, Jasemine Ahmetit etj. 

Një prej pivoteve më të mira në vitet e pas luftës, por që nga koha kur e ka përfunduar karrierën asnjëherë nuk ka pas ofertë për trajnere nga KHF Kastrioti, as nga bashkëlojtarja e saj e dikurshme shumëvjeçare Vlora Jashari, që një kohë ka qenë drejtore sportive e klubit. E lënë anash apo e injoruar?

“Nga ekipi i KH Kastrioti? Jo nuk kam pas ofertë, edhe pse aty kam luftuar me mish e më shpirt.

Dëshira dhe vullneti i mirë nuk më kanë ndal asnjëherë, me një legjendë të hendbollit si trajnerja Valbona Zeqa – Rexhepi. 
Ofertë kam pas nga KH Ulpiana e Lipjanit”,
thotë Rifati për gazetën kombëtare “Bota sot”. 

Ajo tha se ka punuar vazhdimisht me nxënësit e shkollës.

“Me nxënësit e shkollës ‘Skënderbeu’ dhe ‘Neze Bujani’ kam rezultate shumë të mira.

Ka talente të cilat kanë prirje i orientoj nëpër klube. Le të veçohet që nxënësja jem Fjolla Berisha ka qenë në Gjakovë me U-16, por ka edhe të tjera që pres shumë prej tyre”, tregon Rifati.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat