Licencohet FHK-ja, Saraçini pranon licencën nga ministri Çeku

Hendboll

Licencohet FHK-ja, Saraçini pranon licencën nga ministri Çeku

Më: 16 nëntor 2022 Në ora: 17:38
Licencohet FHK-ja, Saraçini pranon licencën nga ministri Çeku

Federata e Hendbollit e Kosovës edhe njëherë është konfirmuar si një prej federatave më të organizuara në vendin tonë. FHK-ja sot është licencuar nga Ministria e Kulturës, Rinisë dhe Sportit, ndërsa licenca është e vlefshme deri më 31 dhjetor të vitit 2024.

Licencën, ministri i Kulturës, Rinisë dhe Sportit, Hajrulla Çeku, ia ka dorëzuar presidentit të FHK-së, Eugen Saraçini.

Ministri Çeku ka falënderuar presidentin Saraçini për punën e bërë nga FHK-ja, ndërsa ka premtuar se përkrahja do të jetë meritore.

Çeku e Saraçini janë pajtuar për ta thelluar bashkëpunimin, ndërsa do të përkrahen projekte të reja, sidomos me kategori të reja, përkatësisht për hendbollin në shkolla.

Me licencim, FHK-ja ka dëshmuar se ka organizim shembullor dhe se sukseset e fundit janë të bazuara në punë sistematike e serioze.

Në pritjen e ministrit Çeku ishin të pranishëm edhe zëvendësministrja Daulina Osmani dhe kryetari i Komisionit për Licencim, Fidan Shatri.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat