Vushtrria vlonte sonte me shikues, më në fund i dha shpirt hendbollit 

Hendboll

Vushtrria vlonte sonte me shikues, më në fund i dha shpirt hendbollit 

Nga: K. Goca Më: 19 nëntor 2022 Në ora: 22:44
Atmosfera sonte në Vushtrri

Të gjithë e dijnë se hendbolli ka humbur shikueshmërinë dhe humbja e shikueshmërisë ka një emër:

Pa u këndellur qendrat e hendbollit, si Ferizaj dhe Mitrovica, vuajtja për shikues do të jetë edhe për një kohë të gjatë. Pa cilësi, qytetari i Ferizajt dhe i Mitrovicës, as që do me pa palestrën në qytetet e tyre. 

Me Kastriotin dhe Trepçën e fortë, me ekipe ashtu si iu ka hije, atëherë do t’i kemi 2-3 mijë shikues në palestrën e sportit “Bill Clinton” në Ferizaj dhe “Minatori” në Mitrovicë, pa e harruar palestrën “Shani Nushi” në Gjakovë. 

Palestra e sportit “Jeton Tërstena - Totta” sonte vlonte nga shikueshmëria, më në fund i dha shpirt hendbollit. I dha një krenari një sportit që ka traditë. 

Vushtrria është qytet që e do hendbollin! Edhe Federata e Hendbollit e Kosovës, duhet ta kuptojë njëherë e përgjithmonë, ta ngulit në kokën e saj, se pa u ringjallur ashtu si duhet hendbolli në Ferizaj dhe në Mitrovicë, aty ku është bërthama, zor që do të ketë shikues, por do të ketë rrallë e për mall siç ishte sonte në Vushtrri, pa harruar edhe të femrat Istogun, një klub model dhe në ndeshjet derbi, me mbi një mijë e deri 1800 shikues në palestër.   

Vushtrria sonte mposhtet me rezultat 23:24 nga Trepça, por fitoi në aspektin e shikueshmërisë,

iu tregoi komunitetit të hendbollit dhe FHK-së, se ky qytet e ka për zemër hendbollin.

Iu tregoi se aty ka tifozeri, aty ka dasëm hendbolli dhe është mëkat që Vushtrria nuk ka ekip për titull.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat