Ekrem Beqa krenar me lojtarin që luajti me gisht të thyer 

Hendboll

Ekrem Beqa krenar me lojtarin që luajti me gisht të thyer 

Nga: K. Goca Më: 26 nëntor 2022 Në ora: 15:40
Kristijan Anastasovski

Drejtori i klubit me renome të hendbollit Kastrioti i Ferizajt, Ekrem Beqa, është krenar me hendbollistin që luajti me gisht të thyer.

Beqa tha se ky është një model që shërben për të gjithë lojtarët se si luftohet për ngjyrat e klubit edhe me gisht të thyer.

Është fjala për Kristijan Anastasovski i cili ka luajtur me gisht të thyer deri në minutën e fundit dhe më i merituari që barazuan 26:26 me Rahovecin, në kuadër të Superligës së Kosovës. 

Image

Pamja e gishtit në fotografim të mjeku

“Si mbrohen ngjyrat e klubit?

Në ndeshjen me Rahovecin e zhvilluar në Ferizaj me 23 nëntor, lojtari i Kastriotit, Kristijan Anastasovski, thyen gishtin e dorës së djathtë diku kah fillimi i lojës, edhe pse i lënduar ai qëndroi gjatë gjithë kohës në lojë dhe për asnjë moment nuk kërkoi të zëvendësohet. 

Respektivisht me gisht të thyer duroi dhe kontriboi deri më minutën e fundit të lojës dhe ku mund të them se me angazhimin e tij, arritëm edhe barazimin e ndeshjes me Rahovecin.

Është një shembull tipik se si luftohet për ngjyrat e klubit dhe nuk dorëzohet për asnjë moment me plotkuptimin e fjalës me zemër sportisti.

Edhe kryesia e klubit nuk qëndroi pasiv për asnjë minutë, ku me të përfunduar loja, i ka filluar veprimet rreth kësaj çështje dhe në krye me doktorin e klubit dhe me angazhimi e tim, arriti që të organizoj operimin brenda 24 orëve.

Dr. Florent Dauti kreu me mjaft sukses operimin e gishtit të lojtarit Kristian, i cili tani dalëngadalë po e merr veten dhe shpresojmë që për 4 javë të jetë i gatshëm për lojë.

Forca Kiko, siç edhe ne e thërrasim, klubi dhe bashkëluftëtarët e tij të luftës sportive po të presin”,
thotë Beqa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat