Skuadra shqiptare mposhtet nga izraelitet në Kupën e Evropës

Hendboll

Skuadra shqiptare mposhtet nga izraelitet në Kupën e Evropës

Nga: K. G. Më: 4 dhjetor 2022 Në ora: 23:12
Pamje nga ndeshja

Skuadra shqiptare, Çairi, përkundër lojës së mirë, ka pësuar humbje në Shkup, me rezultat 33:30 nga Maccabi Arazim Ramat Gan i Izarelit, në ndeshjen e parë të rrethit të tretë të Kupës së Evropës në hendboll.

Çair e nisi mirë, por në fund të pjesës së parë vendasit bënë një sërë gabimesh, të cilat u ndëshkuan me gola të lehtë nga kundërsulmet e mysafireve. 

Në pjesën e dytë Çairi ishte më i mirë në sulm, por mbrojtja lejoi sërish gola të lehta dhe në fund skuadra shqiptare u desh të “pajtohet” me humbjen.

Golashënuesja më e mirë te Çairi ishte Gulitsoska me 14 gola, e ndihmuar nga Nikollovska që shënoi gjashtë, si dhe Xhakmiq me tre gola. Te Maccabi Arazim u veçuan Havronina dhe Lubjanaya me nga gjashtë gola.

Ndeshja e kthimit mes Maccabi Arazimit dhe Çairit do të luhet të shtunën, më 10 dhjetor, në orën 18:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat