Istogu nuk ka treguar asnjë pikë mëshire ndaj Prishtinës duke e deklasuar me rezultat 55:22 në Qendrën e Rinisë dhe Sportit në Prishtinë.
Reprezentuesja e Kosova, Suzana Ujkiq, pothuajse e vetme e ka shkatërruar Prishtinën.
Ujkiq shënoi 17 gola për fitoren e thellë të kampiones dhe lideres së kampionatit.
Ujkiq është ndihmuar nga Lana Paviçeviq me 12 gola, Dijana Ujkiq 9 sosh etj.
Prishtina është ngujuar (i nënti) në fundin e tabelës me 1 pikë dhe Istogu kryeson me 26 pikë pas javë së 15-të.
“Istogu ka shënuar një fitore të thellë kundër Prishtinës me rezultat 22:55, duke regjistruar fitoren e dytë brenda tri ditëve.
Pas triumfit në mesjavë ndaj Shqiponjës në Banjë, ekipi istogas tregoi një tjetër paraqitje dominuese në Pallatin e Rinisë në Prishtinë.
Kjo ndeshje i takonte javës së 15-të të Superligës së Kosovës në hendboll.
Istogaset tashmë e kanë mendjen te çerekfinalja e Kupës së Kosovës, ku të enjten do të përballen sërish me Shqiponjën”, ka shkruar në faqen e saj KHF Istogu.