Dallimi i madh në cilësi, është edhe rezultati mes Ferizajt dhe Ulpianës së Lipjanit në kuadër të Superligës së Kosovës në hendboll (femrat).
Ferizaj shënoi fitore me rezultat 61:27 ndaj Ulpianës.
Ferizaj shënoi gol çdo minutë, pasi që ndeshja në hendboll luhet 60 minuta, Ky është realiteti i Superligës.
Hendbolli si basketboll.
Ka ekipe në basketboll që nuk e arrijnë 60 pikë në ndeshje, ndërsa në hendboll shënohen 61 gola!!!
Një humbje turpëruese për Ulpianën.
"Pas një loje shumë të fort dje, sot u ndeshëm me KHF Ulpiana si ndeshje të mbetur dhe fituam me rezultat 61:27!
Përfunduam sezonin me ulje e ngritje, me faza të vështira por edhe momente shumë të mira, ekipi ynë tregoi përmirësim të vazhdueshëm dhe karakter të fortë.
Falë angazhimit të vajzave dhe mbështetjes së çdo tifozit, po e mbyllim këtë pjesë të sezonit me kokën lart dhe me besim të madh për atë që na pret më tutje në luftën e madhe për trofe !
Çdo ndeshje ishte një mësim, çdo sfidë një hap drejt rritjes", - thuhet në njftim të KHF Ferizajt.