​Kosova përballet me Finlandën në kualifikueset e EHF EURO 2026 për vajza

Hendboll

​Kosova përballet me Finlandën në kualifikueset e EHF EURO 2026 për vajza

Më: 8 mars 2026 Në ora: 13:46
​Kosova

Përfaqësuesja e vajzave e Kosovës në hendboll sot më 8 mars 2026, luan një ndeshje vendimtare ndaj Finlandës në Pallatin e Rinisë dhe Sportit në Prishtinë. Takimi nis në ora 17:15 dhe bën pjesë në kualifikueset e Women’s EHF EURO 2026.

Ndërkohë, Federata e Hendbollit e Kosovës ka ftuar të gjithë tifozët të jenë të pranishëm në tribunat e Pallatit për të mbështetur ekipin, transmeton KosovaPress.

“Luajmë me Finlandën për ta mbajtur gjallë ëndrrën e madhe. Me përkrahjen tuaj nga tribunat, është e mundur. Ju presim në Pallatin e Rinisë. Për KOSOVËN tonë”- ka bërë të ditur Federata.

Kjo ndeshje është një moment kyç për Kosovën, në rrugëtimin drejt EHF EURO 2026 dhe pritet të ofrojë emocion dhe tension deri në sekondat e fundit.

comment Për komente lëvizni më poshtë
Sot mund të lexoni Shfletoni kopertinat