Rahoveci ka fituar dy titujt e fundit të kampionit të Kosovës në hendboll.
Por “vreshtarët” janë ende në pritje të trofeut të çmuar të Kosovës.
Dhe janë maksimalisht të motivuar që në koleksion të shtojnë trofeun e Kupës për edicionin 2025/2026.
Rahoveci në gjysmëfinale do të përballet me Kastriotin, të shtunën nga ora 20:00 në palestrën “Bill Clinton” në Ferizaj.
“Kupa është i vetmi trofe që na mungon. Rrjedhimisht jemi të motivuar dhe të vendosur që ta sjellim edhe këtë trofe në Rahovec. E dimë që na presin përballje të vështira, por kam besim në kualitetin e ekipit”, ka thënë portieri i Rahovecit, Arti Luzha.
“Për momentin jemi duke kaluar formë të lartë dhe për këtë arsye besojmë se këtë vit do të arrijmë ta sjellim Kupën e Kosovës në Rahovec”, ka shtuar Luzha.