Kampi Veror i hendbollit prej 29 qershorit deri më 5 korrik

Hendboll

Kampi Veror i hendbollit prej 29 qershorit deri më 5 korrik

Më: 14 maj 2026 Në ora: 15:32
Kampi

Nën udhëheqjen e presidentit Edin Kolgeci, Bordi i Federatës së Hendbollit të Kosovës e mbajti mbledhjen e radhës dhe mori disa vendime të rëndësishme.

Bordi ka shqyrtuar dhe miratuar raportet e përzgjedhësve të ekipeve kombëtare për aktivitetet në periudhën e kaluar.

Po ashtu ka shqyrtuar dhe miratuar planin e aktiviteteve të FHK-së për tremujorshin e dytë dhe të tretë të vitit.

Bordi i FHK-së vendosi që Kampi Veror i hendbollit të mbahet prej 29 qershorit deri më 5 korrik. Janë duke u shqyrtuar disa vende për mbajtjen e këtij aktiviteti shumë të rëndësishëm të federatës sonë.

Është diskutuar edhe për përgatitjet që po bëhen për organizimin e dy Kampionateve Evropiane të grupmoshave të reja në Prishtinë, në të cilët do të marrin pjesë plot 12 ekipe kombëtare.

Bordi ka miratuar edhe kërkesën që tetë lojtare të Kombëtares U16 të marrin pjesë në Kampin Ndërkombëtar në Poreç të Kroacisë. Shpenzimet për katër lojtare mbulohen nga organizatori i kampit të njohur, ndërsa për katër të tjera shpenzimet i mbulon Federata.

Gjatë mbledhjes është diskutuar edhe për rrjedhën e garave në hendboll.

comment Për komente lëvizni më poshtë
Sot mund të lexoni Shfletoni kopertinat