Drejtori i KDI-së, Ismet Kryeziu reagoi pas mbylljes për publikut të grupit punues për projektligjin për Financimin e Subjekteve Politike.
Postimi i plotë i Kryeziut në Facebook:
Punimet e grupit punues për projektligjin për Financimin e Subjekteve Politike të jenë transparente dhe gjithëpërfshirëse
Në mbledhjen e sotme, Komisioni për Buxhet dhe Transfere njoftoi që sot do të mbahet takimi i parë i grupit punues lidhur me projektligjin për financimin e subjekteve politike, pa prezencën e publikut.
Kosova Democratic Institute / Transparency International Kosova konsideron që mbyllja e punimeve të grupit punues lidhur me këtë projektligj, është vijimësi e një praktike jo të mirë nga legjislatura e kaluar, që ishte kundërshtuar nga shoqëria civile.
Duke qenë një projektligj shumë i rëndësishëm, KDI kërkon që grupi punues të hapë punimet dhe t’i ofrojë hapësirë shoqërisë civile për të dhënë kontributin e saj për një ligj sa më përmbajtësor, në funksion të rritjes së transparencës dhe llogaridhënies financiare të subjekteve politike.
