Debat për raportin e vlerësimit të ndikimit në mjedis të ndërtimit të autoudhës Prishtinë-Merdar

Kosova

Debat për raportin e vlerësimit të ndikimit në mjedis të ndërtimit të autoudhës Prishtinë-Merdar

Më: 30 dhjetor 2020 Në ora: 18:56
Pamje nga takimi

Në Komunën e Podujevës sot është mbajtur debat lidhur me raportin e vlerësimit të ndikimit në mjedis të ndërtimit të autoudhës Prishtinë- Merdar, i cili u organizua, nga kompania Eco-experts Consulting e angazhuar nga Ministria e Infrastrukturës, në bashkëpunim me Komunën e Podujevës.

Përfaqësuesja nga kompania Eco-experts Consulting, znj.Ferdije Zhushi gjatë prezantimit të raportit të vlerësimit të ndikimit në mjedis të ndërtimit të segmentit të autoudhës Prishtinë-Merdar, foli për trasenë dhe rajonet të cilat do të përfshihen me projektin e ndërtimit të autoudhës dhe për strategjinë për mbrojtjen e florës dhe faunës, strategji, e cila sipas saj, është e bazuar në konventa europiane.

Në debat morën pjesë nënkryetarja e Komunës së Podujevës, Marigona Lahu, drejtori i Planifikimit Urban dhe Mbrojtje të Mjedisit, Bujar Hasani, drejtori i Arsimit, Avni Fetahu dhe drejtori i Bujqësisë, Vigan Salihu dhe zyrtarë të tjerë komunal dhe përfaqësues nga kompania e kontraktuar Eco-experts Consulting.

Nënkryetarja Lahu, falënderoi znj. Zhushi për prezantimin e detajuar dhe e vlerësoi raportin për mbrojtjen e hapësirës mjedisore gjatë punimit të autoudhës, gjegjësisht mbrojtjen e faunës në rajonin e Llapit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat