Bulliqi i dorëzoi 650 ekzemplarë librash Bibliotekës së Qytetit

Kosova

Bulliqi i dorëzoi 650 ekzemplarë librash Bibliotekës së Qytetit

Më: 4 shkurt 2021 Në ora: 15:51
Pamje nga vendi i ngjarjes

Kryetari i Komunës së Podujevës, Shpejtim Bulliqi, bashkë me drejtorin e Arsimit, Avni Fetahu dhe drejtoreshën e Kulturës, Rinisë dhe Sportit, Elhame Kutllovci, ka vizituar sot Bibliotekën e Qytetit, me ç’rast i ka dorëzuar 650 ekzemplarë me dhjetëra tituj librash.

Gjatë vizitës së sotme kryetari Bulliqi ka parë nga afër kushtet që ofron Biblioteka e Qytetit për lexuesit.

Me këtë rast kryetari tha se Komuna është duke investuar në krijimin e kushteve më të mira për lexuesit.

“Kemi zgjatur orarin dhe biblioteka është e hapur prej orës 08:00 deri në ora 20:00. Sallën e leximit e kemi pajisur me dy kompjuterë dhe Wifi free, pas kërkesës së studentëve për të ndjekur ligjëratat online”, tha kryetari Bulliqi, duke përmendur edhe rregullimin e ngrohjes dhe përmirësimin e ndriçimit.

Kryetari Bulliqi tha se me krijimi i kushteve më të mira është rritur edhe numri i lexuesve.

Në kuadër të investimeve për pasurimin e fondit të librave, kryetari Bulliqi bashkë me drejtorët Fetahu dhe Kutllovci, i kanë dorëzuar bibliotekës një fond prej 650 librash, të siguruara përmes Drejtorisë së Arsimit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat