Kryetari Bulliqi përuroi ndriçimin publik në shtatë rrugë të Dumnicës

Kosova

Kryetari Bulliqi përuroi ndriçimin publik në shtatë rrugë të Dumnicës

Më: 1 mars 2021 Në ora: 20:15
Shpejtim Bulliqi

Kryetari i Komunës së Podujevës, Shpejtim Bulliqi, bashkë me drejtorin e Shërbimeve Publike, Fevzi Jetullahu kanë përuruar rrjetin e ndriçimit publik në disa rrugë të fshatit Dumnicë.

Në kuadër të investimeve në rregullimin e infrastrukturës dhe ofrimit të shërbimeve publike për qytetarët, në shtatë rrugë të fshatit Dumnicë është realizuar projekti i ndriçimit publik në një gjatësi të përgjithshme prej 7.3 km.

Me rastin e përurimit të rrjetit të ndriçimit publik në rrugët e Dumnicës, kryetari Bulliqi tha se në kuadër të investimeve kapitale, gjatë këtij viti do të investohet në projektet që kanë të bëjnë me sigurinë e qytetarëve.

“Realizimi i këtij projekti dhe projekteve të tjera të ndriçimit publik ndikojnë drejtpërdrejt në sigurinë e qytetarëve”, tha kryetari Bulliqi.

Përveç ndërtimit të rrjetit të ndriçimit publik në Dumnicë, gjatë këtyre ditëve është bërë edhe ndërrimi i 68 trupave të ndriçimit publik në shtatë rrugë të qytetit në Podujevë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat