Gashi në 22 vjetorin e Betejës së Kosharës: Aty lidhëm besën se vetëm të bashkuar do të jetësojmë lirinë

Kosova

Gashi në 22 vjetorin e Betejës së Kosharës: Aty lidhëm besën se vetëm të bashkuar do të jetësojmë lirinë

Më: 9 prill 2021 Në ora: 13:19
Xhafer Gashi

Kryetari i Komunës së Obiliqit, Xhafer Gashi, me bashkëluftëtarë kanë bërë homazhe sot në Kompleksin Memorial të dëshmorëve në Koshare. Ai ndër tjerash është shprehur se: “mes ndjenjës së dhimbjes e mallit po përkujtojmë me krenari betejën që u zhvillua pikërisht sot e 22 vite më parë, aty ku e lidhëm besën se vetëm të bashkuar do jetësojmë lirinë..”

Kryetari Gashi, ka vlerësuar lart heroizmin e komandantit Agim Ramadani-Katana dhe bashkëluftëtare tjerë; “Kosharja Legjendare, është sinonim më i mirë i 113 dëshmorëve, i bashkëluftëtarëve e shokëve të mi; Agim Ramadani-Katana, Sali Çekajt e Xhemajl Fetahu, heroizmi i tyre i pashoq, shkaktojë ferrin e forcave të shumta paramilitare serbe, duke dhënë mesazhin e qartë se UÇK-ja në krye me strategun ushtarak KATANA është e bindur dhe e pamposhtur për çlirimin e Kosovës...”

Shkrimi i plotë i Kryetarit Gashi:

Në Koshare, sot me bashkëluftëtarë, pranë varreve të trimave e shokëve të idealit, mes ndjenjës së dhimbjes e mallit po përkujtojmë me krenari betejën që u zhvillua pikërisht sot e 22 vite më parë, aty ku e lidhëm besën se vetëm të bashkuar do jetësojmë lirinë..

Kosharja Legjendare, është sinonim më i mirë i 113 dëshmorëve, i bashkëluftëtarëve e shokëve të mi; Agim Ramadani-Katana, Sali Çekajt e Xhemajl Fetahu, heroizmi i tyre i pashoq, shkaktojë ferrin e forcave të shumta paramilitare serbe, duke dhënë mesazhin e qartë se UÇK-ja në krye me strategun ushtarak KATANA është e bindur dhe e pamposhtur për çlirimin e Kosovës...

Trimave të Koshares, heronjët e mi

Ju fituat përjetësinë, u flijuat për tokën e atdheun që e deshtët aq shumë.. duke rënë për mos vdekur kurrë! Lavdia dhe kujtimi për ju do të jetojë gjithmonë.. përherë dhe kudo ku ka shqiptarë! 

Lavdi e përjetshme heronjëve të lirisë!

Lavdi Komandantit Agim Ramadani-Katana!

Lavdi të rënëve për liri!

Xhafer Gashi.

Image
Shfaq komentet
comments powered by Disqus
Sot mund të lexoni Shfletoni kopertinat