Dita e 4-të radhazi me asnjë të infektuar me COVID-19 në Suharekë

Kosova

Dita e 4-të radhazi me asnjë të infektuar me COVID-19 në Suharekë

Më: 25 maj 2021 Në ora: 16:17
Suharekë

Numri i të infektuarve me COVID-19 ditëve të fundit në Kosovë ka shënuar rënie të dukshme, duke krahasuar me muajt e kaluar.

Numër i vogël i të infektuarve me këtë virus gjatë këtyre ditëve është regjistruar edhe në Komunën e Suharekës.

Një gjë e tillë po bëhet e ditur nga raportimet ditore të IKSHPK-së, ku që katër ditë radhazi nuk është regjistuar asnjë i infektuar me COVID-19 në Suharekë.

Gjatë ditës së sotme u konfirmuan vetëm 11 raste pozitive, asnjë në Suharekë, po ashtu edhe gjatë ditës së djeshme u regjistruan 14 raste pozitive, asnjë në Suharekë. Gjithashtu më 23 maj u regjistruan 31 raste pozitive me COVID-19 në tërë Kosovën, asnjë i infektuar në Suharekë.

Një gjë e tillë bënë që të kuptohet se është duke pasur efekt në rënien e numrit të të infektuarve, vaksinimi kundër COVID-19 si dhe masat adekuate për parandalimin dhe përhapjen e pandemisë.

commentFirst article
Sot mund të lexoni Shfletoni kopertinat