Kryetari i komunës së Suharekës, Bali Muharremaj, ka vendosur që të shtunën t’iu thotë disa fjalë publikisht qytetarëve.
Ai përmes rrjetit social “Facebook” ka falenderuar të gjithë qytetarët për mikëpritjen që i është bërë.
Ai tha se tanimë ka fituar një shtëpi të madhe në Suharekë.
Postimi I plotë:
Mirëmbrëma qytetarë të dashur,
Kam nevojë me ju thanë diçka publikisht.
Atë që e ndjej brenda vetes n’shpirt.
Faleminderit kudo për mikëpritjen në familjet tuaja, megjithëse është kohë pandemie e po duhet ta ruajmë dhe mbrojmë familjen secili prej nesh.
Shumë herë gjatë ktyre viteve jam kthy vonë n’shtëpi. Shumë herë kisha nevojë me qendru ma gjatë e me folë ma shumë me gruan e fëmijët. Natyrisht shumë ngjarje të bukura të ditlindjeve i kam humb, sepse puna e detyra e kërkonte me qëndru aty ku kishit nevojë ju.
Ndoshta kam mungu në shtëpinë time, por e kam fitu një shtëpi të madhe.
I kam mungu familjes, por e di e tash e kam një familje edhe ma të gjanë.
Ajo shtëpi dhe ajo familje jeni ju, qytetarët e Komunës së Suharekës kudo.
Ju kam borgj shumë. Për krejt afërsinë dhe përkrahjen që po ma dhuroni.
Faleminderit nga secilit prej jush !