​Vushtrria mban Festivalin “Takimet e Poeteshave Shqiptare

Kosova

​Vushtrria mban Festivalin “Takimet e Poeteshave Shqiptare

Më: 11 tetor 2021 Në ora: 20:57
Xhafer Tahiri

Në Qendrën e Kulturës “Hasan Prishtina” në Vushtrri sot është mbajtur Festivali “Takimet e Poeteshave Shqiptare” edicioni i 39-të.

Çmimin e parë në këtë festival e mori poezia me titullin “Rri” nga poetja Leonora Lokaj.

Çmimin e dytë e fitoi poezia “Epitaf” nga Valmire Sylejmani, ndërsa çmimin e tretë poezia “Ringjallje” nga Margarita Bardhi dhe çmimin “Debutuesja e Festivalit” e mori Aurora Salihu.

Kryetari i Komunës, Xhafer Tahiri tha se është kënaqësi që t’i presim poeteshat nga të gjitha trojet shqiptare në qytetin e vjetër.

“Historia e lashtë e Vicianës antike bashkë me poezitë tuaj ndër vite kanë stërndërtuar bashkë një identitet të veçantë të papërsëritshëm për të gjitha qytetet shqiptare duke organizuar këtu në Vushtrri Takimin e Poeteshave Shqiptare”, tha Tahiri.

Takimet e Poeteshave Shqiptare është festival i cili promovon vlera kulturore, letrare, dhe i vetmi i tillë në trevat shqiptare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat