Numër i vogël i pacientëve me COVID-19 po marrin trajtim mjekësor

Kosova

Numër i vogël i pacientëve me COVID-19 po marrin trajtim mjekësor

Më: 26 tetor 2021 Në ora: 10:27
Foto ilustrim

Shërbimi Spitalor Klinik dhe Universitar i Kosovës (ShSKUK), ka njoftuar se në Klinikën Infektive dhe spitalet e përgjithshme po vazhdojnë të trajtojnë pacientë me COVID-19, ndonëse në numër shumë më të ulët, krahasuar me muajt e kaluar.

“Sipas raporteve nga klinikat COVID-19 dhe spitalet e përgjithshme, në trajtim janë 59 pacientë, 20 prej tyre me oksigjeno-terapi dhe 5 në kujdes intensiv, në gjendje të rënduar shëndetësore”, thuhet në njoftim.

Numri i pacientëve sipas klinikave COVID-19 dhe spitaleve të përgjithshme: Klinika Infektive, 9 pacientë, Klinika e Pulmologjisë, 21 pacientë post-covid-19, dhe Mjekimi Intensiv në Klinikë Infektive, 2 pacientë.

Në spitalet e përgjithshme numri i pacientëve është si vijon: Spital i Pejës, 3 pacientë, Spitali i Gjakovës, 11 pacientë, Spitali i Gjilanit, 2 pacientë, Spitali i Mitrovicës, 7 pacientë dhe Spitali i Ferizajt, 4 pacientë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat