Inspektorati Policorë i Kosovës ka publikuar një raport lidhur me punën e Policisë së Kosovës ndaj rasteve të raportuara si dhunë në familje.
Në këtë raport thuhet se komuna ku ka raste më të shumta në nivel të përgjithshëm është ajo e Prishtinës ndërsa komuna ku është krahasuar me numër të banorëve del të jetë ajo e Mitrovicës së Veriut.
Dhuna në familje klasifikohet si shkelje e rëndë e të drejtave të njeriut.
Lidhur me trajtimin e viktimave të dhunës ne familje merret një varg institucionesh dhe kontributi i tyre konsiderohet i rëndësishëm.
Edhe Policia është një nga akteret me një rol parandalues dhe hetimor në rastet e dhunës në familje.
Trendët mbi numrin e rasteve të dhunës në familje tregojnë ngritje të numrit të rasteve nga viti në vit. Sipas statistikave të vitit 2020, ngarkesën me të madhe me raste e ka DRP Prishtine me 32.6% të numrit të përgjithshëm të rasteve, derisa numër më të madh të rasteve për 1.000 banore ka DRP Mitrovice Veriu me 1.71 raste ne 1.000 banore.
Grup mosha me e goditur e viktimave të dhunës mbetet ajo 20 – 30 vjet me 25.7% te numrit te përgjithshëm të viktimave.
Viktimat meshkuj-femra të dhunës në familje përfaqësohen me raportin 22% : 78% në nivel të vendit. Kurse, ” bashkeshortet” ne marrëdhënie familjare përfaqesojnë pjesën më të madhe të viktimave me 44.6%.
Krahasuar me tre vite të mëparshme, viti 2020 ka regjistruar numrin me te madh të vrasjeve të rënda të ndodhura në vend.
