Sot janë bërë një vit nga shkuarja e ish-krerëve në UÇK-së në Gjykatën Speciale në Hagë.
E ish-ambasadori i Kosovës në Shqipëri, Nait Hasani, e ka vlerësuar si të padrejtë qëndrimin e tyre në Hagë, duke thënë se atje po qëndrojnë në paraburgim me akuza politike nga fabrikimet të gjykatave serbe.
Hasani që është edhe ish i burgosur politik në kohën e ish-Jugosllavisë, përmes një statusi në Facebook ka thënë se kjo gjykatë e Hagës është një gjykatë e padrejtë dhe politike e krijuar me presion politikë, ndërsa dhomat e specializuara të prokurorisë speciale janë instrument politikë në shërbim të interesit politikë të Serbisë.
Megjithatë, Hasani beson në drejtësinë ndërkombëtare, duke thënë kjo drejtësi do të jetë fitore e luftës sonë çlirimtare mbi Serbinë kriminale dhe bashkëpunëtorët e saj kudo që janë.
Ky është statusi i tij i plotë:
Padrejtësisht,
Padrejtësisht po qëndrojnë, dhe u bënë një vit në burgje të Hagës, të drejtuesve politik e ushtarak të Ushtrisë Çlirimtare të Kosovës.
Liria ka marrë emër me luftën tonë të drejtë çlirimtare në mbrojtje të qenies sonë kombëtare.
Liria jonë ka rrënjë në gjakun e dëshmorëve të brezave luftëtarë në luftën shekullore kundër Serbisë për çlirimin e Kosovës, për lirinë tonë.
Ata drejtuesit e UÇK-së, sot janë në Hagë atje po qëndrojnë në paraburgim me akuza politike nga fabrikimet të gjykatave serbe etj.
Krimet Serbe tashmë i njeh e gjithë bota dhe do të dëshmohen dhe njëherë në këtë gjykatë nga drejtuesit politikë e ushtarak të UÇĶ-së.
Kjo gjykatë e Hagës është një gjykatë e padrejtë dhe politike e krijuar me presion politikë. Ndërsa dhomat e specializuara të prokurorisë speciale janë instrument politikë në shërbim të interesit politikë të Serbisë.
Por ne besojmë në drejtësinë ndërkombëtare dhe kjo drejtësi do të jetë fitore e luftës sonë çlirimtare mbi Serbin kriminale dhe bashkëpunëtorët e saj kudo që janë.
Të dashur bashkëluftëtar Hashim, Kadri, Rexhë, Jakup e ju që jeni aty në Hagë, jeni çlirimtar, ju presim fitimtar!
Liria jonë ka marrë emrin UÇK!
Lavdi Ushtrisë Çlirimtare të Kosovës
Lavdi dëshmorëvë të kombit!
