Kryetari i Drenasit, Ramiz Lladrovci, ka falënderuar të gjithë ata që e kanë votuar në raundin e dytë të zgjedhjeve lokale.
Ai me anë të një postimi në rrjetin social Facebook ka shkruar se urimet do t’ua qytetarëve të Drenasit me punë.
“Deri tash kam kthyer shumë përgjigje ndaj urimeve dhe përgëzimeve Tuaja pas fitores më 14 nëntor. Në rrjetet sociale dhe rrjetet tjera të komunikimit, kam pranuar edhe qindra e mijëra urime tjera, të cilave do t’u përgjigjem në ndërkohë”.
“Deri sa t’ju përgjigjem të gjithëve, e falënderoj nga zemra secilin për mesazhet dashamirëse. Ua kthefsha me të mirë! Qytetarëve të Drenasit, urimet ua kthej me punë dhe qeverisje të mirë për të gjithë, pa dallim. Arritja e fitores, ka mbyllur një derë dhe ka hapur qindra dyer tjera për punë të mira, me zbatim të ligjit, transparencë e llogaridhënie”,ka shkruar Lladrovci.
