Policia në Skenderaj realizon kontrolle në shkolla, sekuestron pesë thika dhe një shufër metalike

Kosova

Policia në Skenderaj realizon kontrolle në shkolla, sekuestron pesë thika dhe një shufër metalike

Më: 23 nëntor 2021 Në ora: 14:39
Ilustrim

Në kuadër të veprimeve dhe masave parandaluese në ofrim të sigurisë në shkolla, zyrtarë policor në kuadër të Stacionit Policor në Skenderaj, gjatë ditës së sotme kanë vazhduar me masa dhe kontrolle sigurie, të cilat janë zbatuar në tri shkolla të mesme të larta në Skenderaj.

Mbi bazën e vlerësimit dhe rrethanave bëra nga këshillat i prindërve, këshillat e shkollave dhe autoriteteve të arsimit, me qëllim të parandalimit janë zbatuar masa sigurie përmes urdhër- kontrollit në bazë urdhëresës së lëshuar nga Gjykata kompetente me ç’ raste janë kontrolluar nxënësit e tri shkollave të mesme në Skenderaj.

Si rezultat i kontrollimit në posedim tek nxënësit e Shkollës së Mesme Profesionale “Qendra e Kompetencës” janë gjetur dhe sekuestruar, pesë thika dhe një shufër metalike.

Veprimet policore dhe provat e gjetura materiale i janë paraqitur prokurorit të rastit, ku është sugjeruar që rasti të iniciohet dhe hetohet ne procedurë të rregullt, për veprën penale “Mbajtje në pronësi, posedim i paautorizuar i armës.

Policia thekson se mbetet e përkushtuar për bashkëpunim të ndërsjellë me autoritetet e shkollave në ofrim të sigurisë në shkolla.

Image
commentFirst article
Sot mund të lexoni Shfletoni kopertinat