​Shoqata e të Burgosurve Politik, bëjnë homazhe te varri i Adem Demaçit

Kosova

​Shoqata e të Burgosurve Politik, bëjnë homazhe te varri i Adem Demaçit

Më: 27 nëntor 2021 Në ora: 13:21
Foto ilustrim

Në 25-vjetorin e themelimit, Shoqata e të Burgosurve Politik kanë bërë homazhe tek varri i veprimtarit të çështjes kombëtare Adem Demaçi.

Kryetari i Shoqatës së të Burgosurve Politik, ka thënë se Adem Demaçi i cili ishte njëri ndër themeluesit e kësaj shoqate do të mbetet nder i të gjitha brezave.

Hyseni:. Adem Demaçi ka qenë kryetar nderi i shoqatës

“Për ne si shoqatë e të burgosurve politik është edhe një arsyeje për te qenë këtu sot se është përvjetori i 25-të i themelimit të shoqatës së burgosurve politik. Adem Demaçi ka qenë kryetar nderi i shoqatës, për ne gjithmonë do të mbetet nder i kombit, nderi i brezave”, ka thënë Hyseni.

Në këtë 25-vjetor, shoqata hapi edhe ekspozitën përmes të cilës paraqitën veprimtarinë e tyre përgjatë këtyre viteve. Ata ndanë edhe mirënjohje për bashkëpunesit e tyre.

Gjatë ditës Shoqata e të Burgosurve Politik, do bëjë vizitë edhe në burgun e Dubravës ku janë masakruar qindra shqiptarë të burgosur politik dhe në Prekaz.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat