Gjendet i vdekur një shtetas i huaj në Qendrën e Azilit në Magure

Kosova

Gjendet i vdekur një shtetas i huaj në Qendrën e Azilit në Magure

Më: 27 nëntor 2021 Në ora: 17:34
Foto ilustrim

Në Qendrën e Azilit në Magure, të shtunën rreth orës 10:30 është gjetur pa shenja jete një shtetas i huaj, 26-vjeçar.

Lajmin e ka konfirmuar zëdhënësi i Policisë së Kosovës për rajonin e Prishtinës, Agron Borovci.

“Rreth orës 10:30, kemi pranuar informatën për një  person pa shenja  jete në  Qendrën e Azilit në Magurë. Policia menjëherë ka dalë në vendin e ngjarjes si dhe mjekët emergjent të cilët kanë konstatur vdekjen e viktimës, mashkull, rreth 26 vjeç, shtetas i huaj”, tha Borovci për Telergafin.

Tutje ai shtoi se aktualisht policia me kujdes të shtuar ka nisur një hetimin për rastin, si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rrethanave të rastit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat