Pse u dorëhoq dekani i Fakultetit Ekonomik, kjo ishte zanafilla

Kosova

Pse u dorëhoq dekani i Fakultetit Ekonomik, kjo ishte zanafilla

Më: 14 janar 2022 Në ora: 22:52
Fakulteti Ekonomik

Mandatin e dekanit e nisi, por s’e përfundoi. Javë më parë, profesori Fatos Ukaj ka dhënë dorëheqje nga kjo pozitë në Fakultetin Ekonomik.

Por, zanafilla e arsyes që e shtyu drejt këtij vendimi nisi muaj më parë, kur anëtarët e Këshillit të Fakultetit nuk merrnin pjesë në mbledhjet e fakultetit.

E këto thotë se u reflektuan më së miri në periudhën e konkurseve për punësime.

Ukaj pohon se i kishte informuar të gjitha organet e universitetet, e madje kishte paraqitur rastin edhe në Këshillin e Etikës.

Mirëpo, për secilin profesor për të cilin ishte inicuar rast, Këshilli i Etikës kishte pushuar procedurat e filluara ndaj tyre.

Por, para se të largohej nga kjo pozitë, Ukaj kishte raportuar për dyshime për parregullësi në oganet e UP-së.

Këtë e konfirmojnë nga Rektorati.

Megjithatë, Këshilli i Fakultetit Ekonomik, tashmë ka zgjedhur dekan Driton Balajn.

Ndërkohë në mbledhjen e radhës të senatit, ashtu siç përcakton statuti i UP-së, pritet të miratohet propozimi i Fakultetit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat