Çairi dhe Ferizaji me projekt të përbashkët, panele fotovoltaike në 6 shkolla dhe 2 çerdhe

Kosova

Çairi dhe Ferizaji me projekt të përbashkët, panele fotovoltaike në 6 shkolla dhe 2 çerdhe

Më: 25 janar 2022 Në ora: 17:50
Pamje nga takimi

Çairi dhe Ferizaji sot hapën një kapitull të ri historik të bashkëpunimit.  Kryetari i Komunës së Çairit, Visar Ganiu bashkë me kryetarin e Komunës së Ferizajit, Agim Aliun shënuan fillimin e implementimit të projektit EkoKid, pjesë e Programit për bashkëpunim ndërkufitar Kosovë-Maqedoni e Veriut, IPA fondet e Bashkimit Evropian.

Kështu Çairi dhe Ferizaji përforcojnë mekanizmat ndërkufitar për të implementuar strategjitë e BE-së për mbrojtjen e mjedisit jetësor.

Projekti përfshin vendosjen e paneleve fotovoltaike si dhe zëvendësimin e poçeve të vjetra me poçe efeciente në 3 shkolla fillore komunale të Çairit dhe një kopsht për fëmijë: “Hasan Prishtina”, “Imri Elezi”, “Liria” dhe Çerdhja “Borëbardha”.

Me këto panele solare shkurtohen harxhimet, sepse në nivel vjetor pritet të prodhohen afërsisht 160.000 kWh energji elekrike.

“Implementimi i këtij projekti gjithsesi se do të kontribuojë në promovimin e marrëdhënieve të mira ndërkufitare, integrim në BE  si dhe promovimin e zhvillimit socio-ekonomik në të dyja komunat”, ka delaruar pas takimit Ganiu.

Ndërkohë edhe në Ferizaj panele fotovoltaike do të vendosen në 3 shkolla dhe 1 çerdhe.  Njëra nga këto shkolla është “Gjon Serreçi” të cilën e vizitoi kryetari i Çairit, Visar Ganiu bashkë me kryetarin e Ferizajit, Agim Aliun dhe ku hasën në një mikpritje tejet të ngrohtë. 

Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat