​MINT do ta përkrahë me 1, 5 milionë €, Parkun Industrial në Opterushë

Kosova

​MINT do ta përkrahë me 1, 5 milionë €, Parkun Industrial në Opterushë

Më: 26 shtator 2022 Në ora: 13:37
Foto nga takimi

Kryetari komunës së Rahovecit, Smajl Latifi ka takuar ministren e MINT, Rozeta Hajdari, me të cilën kanë bashkëbiseduar për investimet në Zonën Ekonomike - Parkun Industrial në Opterushë. Kështu ka njoftuar komuna e Rahovecit.

Nga ministrja Hajdari mori konfirmimin, se MINT do ta përkrahë me 1, 5 milionë € këtë projekt të rëndësishëm për biznese, zhvillim ekonomik dhe punësim. Pra, sipas marrëveshjes së mirëkuptimit për bashkëfinancim, të nënshkruar me MINT, kjo ministri përkrah me 1, 5 milionë €, ndërsa komuna e Rahovecit me 300 mijë €. Ky investim kap vlerën, gjithsej: 1, 8 milionë €.

“Komuna e Rahovecit është zonë e rëndësishme ekonomike, agrare dhe industriale, e cila sjell përfitime financiare për qytetarët tanë si dhe për buxhetin e Republikës së Kosovës. Prandaj, konsiderojmë se investimet në zonën ekonomike - Parkun Industrial në Opterushë, janë hap i rëndësishëm për ekonominë e vendit tonë në përgjithësi, thuhet në njoftim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat