​Bulliqi e Damka inspektojnë punimet e urave në disa fshatra të Podujevës

Kosova

​Bulliqi e Damka inspektojnë punimet e urave në disa fshatra të Podujevës

Më: 24 nëntor 2022 Në ora: 19:48
Kryetari i Komunës së Podujevës, Shpejtim Bulliqi

Kryetari i Komunës së Podujevës, Shpejtim Bulliqi ka pritur sot në takim ministrin e Zhvillimit Rajonal Fikrim Damka, ku diskutuan për projekte të rëndësishme ekonomike mes dy institucioneve.

Bulliqi gjatë takimit theks të veçantë i kushtoi projektit të stacionit të autobusëve, i cili është bashkëfinancim mes komunës së Podujevës dhe Ministrisë së Zhvillimit Rajonal.

Projekti i stacionit të autobusëve ka koston e mbi 1 milion euro, dhe pritet të fillojë shumë shpejtë, ndërsa projekti është paraparë të përfundojë gjatë dy vjetëve të ardhshëm.

Gjatë takimit u diskutua për dy shtigjet e ecjes - shtegun te pishat e Shakovicës dhe shtegun e pishave të Kërpimehut.

Pas takimit, kryetari Bulliqi dhe ministri Damka dolën në terren për të inspektuar punimet e urave që janë duke u ndërtuar në fshatrat Sfeçël, Gllamnik dhe Bajqinë, projekt ky i përbashkët i komunës me MZHR.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat