Doktori flet për gjendjen e të rinjve që u therën me thikë në Viti

Kosova

Doktori flet për gjendjen e të rinjve që u therën me thikë në Viti

Më: 26 nëntor 2022 Në ora: 07:25
Specializanti i Emergjencës, Kadri Qetaj

Një rrahje në mes disa personave ka ndodhur në komunën e Vitisë, ku kanë mbetur të lënduar katër persona, të cilët fillimisht janë dërguar në spitalin e Gjilanit, e më pas tre prej tyre janë transferuar në QKUK për ta vazhduar trajtimin.

Bëhet e ditur se gjatë kësaj përledhja janë përdorur mjete të forta dhe thika.

Ndërkaq, Specializanti i Emergjencës, Kadri Qetaj përmes një lidhje në “Edicionin Special” ka dhënë detaje në lidhje me gjendjen shëndetësore të të lënduarve nga kjo përleshje.

Ai u shpreh se tre të lënduarit janë jashtë rrezikut për jetë.

“Tre pacientët të cilët i kemi pranuar sonte, momentalisht janë në gjendje stabile dhe jashtë rrezikut për jetë. Dy prej tyre kanë qenë me plagë në pjesën e barkun dhe të krahërorit, ndërkaq pacienti i tretë ka ardhur më vonë dhe ka qenë në gjendje pak më të keqe se dy të parët, edhe ky ka pasur plagë në regjionin e krahësorit dhe një plagë në dorën e djathtë, por momentalisht që të tre janë në gjendje stabile”, u shpreh ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat