Qendra e Studentëve ka bërë të ditur se asnjë produkt në depon e Mensës së Studentëve nuk është me afat të skaduar.
Kjo pasi që sot ka pasur shqetësime të ngritura sot nga ana e disa studentëve në adresat zyrtare të Qendrës së Studentëve, në lidhje me servimin e një artikullit (virshle) me afat të skaduar.
“Ju njoftojmë se ne si staf kemi kontrolluar të gjitha stoqet e artikujve ushqimor dhe është vërtetuar se asnjë produkt në depon e Mensës së Studentëve nuk është me afat të skaduar.
Për informimin tuaj, ju sqarojmë se çdo artikull ushqimor që hynë në depon e mensës dhe servohet për studentë i nënshtrohet kontrollit tonë të brendshëm dhe periodikisht kontrollohemi nga Inspekoriati Sanitar i AVUK-ut”, thuhet në sqarim.
