Studiuesja amerikane e Fulbright dhe ekspertja e arsimit të lartë, Anne Campbell përfundoi programin e saj të shkëmbimit në Kosovë.
Këtë e bëri me një ligjëratë publike mbi bursat e arsimit të lartë në SHBA dhe ndikimin pozitiv që mund të ketë lëvizshmëria e studentëve në të ardhmen e Kosovës.
Ambasada Amerikane ka njoftuar se duke folur para studentëve dhe profesionistëve në Universitetin e Prishtinës, Campbell nënvizoi rëndësinë e ndërkombëtarizimit të arsimit të lartë.
“Përmes FulbrightKosovo, Campbell kaloi gjashtë muajt e fundit duke ndarë njohuritë dhe ekspertizën e saj me departamentin e arsimit të lartë në Ministrinë e Arsimit, Shkencës, Teknologjisë dhe Inovacionit në Kosovë për të forcuar kërkimin dhe inovacionin në arsimin e lartë në Kosovë”, thuhet në njoftim.
