Ndërtimi i shkollës fillore “Nënë Tereza” në Vranidoll në Prishtinë, ndërtimi i Qendrës së Mjekësisë Familjare në Vushtrri dhe shkollës “Heronjtë e Kosovës” në Hoçë të Vogël të Rahovecit, janë disa nga të gjeturat e raportit nga Anketat e Përcjelljes së Shpenzimeve Publike të kryera në Prishtinë, Vushtrri, Rahovec.
Aty u tha se anketat kishin synim të gjurmonin shpenzimet nga nivelet më të larta të qeverisjes deri në pikat e ofrimit të shërbimeve lokale, duke siguruar që këto fonde të përdoren sipas qëllimit dhe që qytetarët përfitojnë në të vërtetë nga to. Duke vlerësuar kënaqshmërinë e komunitetit nga këto shpenzime publike, gjetjet nxjerrin në pah joefikasitetin dhe fushat për përmirësim.
E të gjeturat e raportit i prezantoi Dea Fetiu e cila tha se projekti ishte në periudhë gjashtëmujore.
Ajo tha se të gjeturat janë pjesë e fushës së edukimit dhe shëndetësisë.
Ndërtimi i shkollës fillore “Nënë Tereza” në Vranidoll, u tha se është përball me pesë procese të prokurimit, duke pasur ndryshime në çmimin e planifikuar për më shumë se 60 mijë euro, duke kaluar më shumë se një vit e gjysmë.
Në këtë rast sipas raportit është shkelur ligji për prokurimin publik.
Projekti i dytë: QMF në Vushtrri.
“Ajo që e kemi gjetur ka qene që buxheti i planit fillestar ka qenë 85,000 mijë euro ndërkaq ne kontratën tjetër ishte 425,865.51 euro. Problemi ka qenë se është vonuar përfundimi i saj edhe kjo sipas të dhënave është arsyetuar për shkak të kushteve të pandemisë. Sipas pikëpamjeve te përdoruesve kjo qendër: katin e bodrumit e kas jofunksional si shkak i përmbytjeve të shkaktuara nga planifikimi i dobët, infrastruktura e qendrës ka mungesë të furnizimit me ujë në shumicën e zyrave, dhomat e ngushta multifunksionale që i plotësojnë standardet e udhëzimit administrativ, ndërtimi i shkallëve të ngushta, sfida e ajrosjes shumica e dritareve janë jofunksionale.”.
Sipas anketës, 75 për qind e të anketuarve mendojnë se qendra ka hapësirë të mjaftueshme, qendra mundet te përmirësohet në fusha të ndryshme, shërbimet mbushin pritshmeritë bazë,
Projekti 3, shkolla “Heronjtë e Kosovës” ne Hoçë të Vogël në Rahovec.
Ajo tha se ka ndryshime te vlera e prokurimit, përfundimi i se cilës është shtyrë disa herë nën arsyetimin e pandemisë.
Sipas përdoruesve, nuk ka sallë të edukimit fizik, s’ka klasa të specializuara, mungesë të perdeve, e mungesë kushtesh për gjithëpërfshirje.
Nga të gjeturat e anketës u dhanë këto rekomandime preliminare:
“Sigurimi i zbatimit të ligjit për prokurim publik, sigurimi i planifikimeve buxhetore, implementim i sistemit të rregull për monitorime të alokimeve buxhetore, sigurimi i menaxhimit me efikas i kontrate, sigurimi i ndjekjes së akteve nënligjore, angazhimi i komunitetit dhe profesionisteve ne mënyrë aktive, realizimi i anketave që masin kënaqësinë e qytetarëve për identifikimin e sfidave potenciale”.
Gjetje: Rritje drastike të vlerave kontratave, mungesë së konsultimeve më qytetarë, vonesa të implementimeve.
Ndërkaq Osman Vishaj nga Komisioni Rregullativ i Prokurimit Publik tha “Prokurimi publik është art, sipas tij themeli është planifikimi i ndërtimit. Tek te gjeturat zbatimi i ligjit për prokurim publik i përfshin te gjitha, ku tek shumë autoritet shkojnë në fund, nuk shkojnë në fillim, tek procesi i tenderimit janë tri faza”.