23 vatra zjarri të regjistruara sot në Kosovë, 11 ende aktive

Kosova

23 vatra zjarri të regjistruara sot në Kosovë, 11 ende aktive

Më: 9 gusht 2025 Në ora: 15:13
Foto ilustrim

Agjencia e Menaxhimit Emergjent (AME) ka bërë të ditur se nga ora 08:00 deri në ora 14:00 të ditës së sotme janë regjistruar gjithsej 23 vatra zjarri në vend. Sipas njoftimit, 11 prej tyre mbeten ende aktive, ndërsa 12 janë lokalizuar.

Në njoftim thuhet se situata po menaxhohet në koordinim të plotë me Njësitë Profesionale të Zjarrfikjes dhe Shpëtimit, Qendrat Operative 112 dhe Qendrën Operative të Agjencisë.

“AME – NJPZSH mbeten në gatishmëri të lartë për të reaguar dhe për t’u përgjigjur në çdo situatë kur kërkohet. U bëjmë thirrje të gjithë qytetarëve të tregojnë kujdes të shtuar, të shmangin çdo veprim që mund të shkaktojë zjarr dhe të raportojnë menjëherë çdo vatër në numrat emergjentë 112, 193, 192”, thuhet në njoftim.

Tutje,  Agjencia falënderon zjarrfikësit për përkushtimin e tyre të palodhshëm, Policinë e Kosovës për mbështetje, si dhe të gjithë qytetarët për bashkëpunimin. 

comment Për komente lëvizni më poshtë
Sot mund të lexoni Shfletoni kopertinat