Besnik Osmani: Së bashku do të ndërtojmë një Fushë Kosovë më të zhvilluar dhe më të bashkuar

Kosova

Besnik Osmani: Së bashku do të ndërtojmë një Fushë Kosovë më të zhvilluar dhe më të bashkuar

Më: 17 shtator 2025 Në ora: 00:11
Foto nga takimi

Kandidati i Lidhjes Demokratike të Kosovës për kryetar të Komunës së Fushë Kosovës, Besnik Osmani, së bashku me kryetarin e LDK-së Lumir Abdixhiku, ka vizituar sot familjen Turiqica, të njohur për mikpritjen dhe kontributin e tyre shoqëror e patriotik.

“Patëm nderin të vizitojmë familjen Turiqica, në odën e tyre tradicionale – vend i mikpritjes dhe i traditës atdhetare. Familja Turiqica njihet si familje që punon me nder dhe ka shumë sukses në biznes, por mbi të gjitha për kontributin e tyre shoqëror e patriotik. Oda e tyre ka qenë ndër të parat që ka shërbyer për aktivitetet e LDK-së që nga vitet ’90, ndërsa shtëpitë e tyre gjithmonë kanë qenë në shërbim të arsimit dhe kombit,” ka deklaruar Osmani.

Ai ka shtuar se mbetet mirënjohës për besimin dhe përkrahjen e qytetarëve të Fushë Kosovës:

“Së bashku do të ndërtojmë një Fushë Kosovë më të zhvilluar dhe më të bashkuar. Fushë Kosova PËRTEJ!”, ka theksuar Osmani.

comment Për komente lëvizni më poshtë
Sot mund të lexoni Shfletoni kopertinat