Krasniqi i LDK-së tregon 12 zotimet për Rahovecin: 500 euro për lehonat e sos-butoni për të moshuarit

Kosova

Krasniqi i LDK-së tregon 12 zotimet për Rahovecin: 500 euro për lehonat e sos-butoni për të moshuarit

Më: 25 shtator 2025 Në ora: 06:10
Burim Krasniqi

Kandidati i Lidhjes Demokratike të Kosovës për kryetar të Rahovecit, Burim Krasniqi, ka shpalosur plan-programin e kësaj partie që synon marrjen e drejtimit në këtë komunë.

Krasniqi tha se plan-programi i LDK-së në Rahovec përbëhet nga 12 zotime kryesore që sipas tij, ka të bëjë me 12 sektorët kryesorë në këtë komunal.

“Plan-programin e kemi me 12 zotime kryesore që kanë të bëjnë me 12 sektorët kryesorë që kanë të bëjnë me agroturizëm, shëndetësi, e kemi qendrën e vjetër të qytetit, ridizajnimin e sheshit kryesor, subvencionimin e lehonave te pjesa e shëndetësisë”.

“Për arsimin ndër të tjera është edhe pjesa e inteligjencës artificiale e cila do të fillojë nga klasa e pestë. Te bujqësia, 24 orë ujë dhe kanalizim, që nuk do të jetë temë më që do të diskutohet më në zgjedhjet e tjera”, tha Krasniqi.

Për sa i përket shëndetësisë, Krasniqi premtoi ndërtimin e parkingut nëntokësor tek Qendra Kryesore e Mjekësisë Familjare në Rahovec, teksa shtoi se të gjitha ambulantat do të jetën funksionale.

“Tek pjesa e shëndetësisë, do të ketë parking nëntokësor tek QMF-ja. Të gjitha ambulantet do të jenë funksionale si dhe një sos-buton që do të jetë risi për t’i ardhur në ndihmë shpejt të moshuarve dhe atyre me sëmundje kronike”, tha ai.

Krasniqi më tej premtoi edhe ndarjen e nga 500 eurove për nënat lehonat por edhe rritje të sigurisë në shkolla.

“Nënat lehona do të kenë nga 500 euro kudo që lind dhe kudo që jeton në komunën e Rahovecit. Te shkollat do të ketë rritje të përgjegjësisë, siguri në shkolla, transport publik falas në mënyrë që prindërit të jenë të sigurt”, tha ai.

comment Për komente lëvizni më poshtë
Sot mund të lexoni Shfletoni kopertinat