Konferencë mbi rolin e mediave dhe rrjeteve sociale në rastet disiplinore

Kosova

Konferencë mbi rolin e mediave dhe rrjeteve sociale në rastet disiplinore

Më: 17 tetor 2025 Në ora: 15:25
Foto

Policia e Kosovës ka bërë të ditur se me mbështetje nga OSBE-ja, ka mbajtur konferencë dyditore për ‘Hetime të Brendshme’ me temën “Ndikimi i mediave, opinionit publik dhe rrjeteve sociale në trajtimin e rasteve disiplinore”.

Në këtë konferencë kanë marrë pjesë përfaqësues nga shtete të ndryshme si: Shqipëria, Anglia, Belgjika, Gjermania, Portugalia, Çekia, Turqia, Kroacia, Bosnje e Hercegovina, Mali i Zi dhe Maqedonia e Veriut.

Gjithashtu pjesë e konferencës janë edhe përfaqësues nga Inspektorati Policor i Kosovës dhe një numër i konsiderueshëm i punonjësve nga Drejtoria për Hetime të Brendshme të PK-së.

Në kuadër të konferencës u diskutua  për  rolin e mediave, rrjeteve sociale dhe opinionit publik, mekanizmat e ndikimit në hetimet disiplinore, roli i teknologjisë  si dhe përfitimet potenciale  të ndikimit me qëllim të përmirësimit të  sistemit, veprimeve policore dhe  ngritjes se imazhit te organizatës.

comment Për komente lëvizni më poshtë
Sot mund të lexoni Shfletoni kopertinat