Betohet Kastrati, bën homazhe te varrezat e dëshmorëve në Malishevë e Kleçkë

Kosova

Betohet Kastrati, bën homazhe te varrezat e dëshmorëve në Malishevë e Kleçkë

Më: 3 dhjetor 2025 Në ora: 16:08
Ekrem Kastrati

Ekrem Kastrati, u betua sot për mandatin e dytë si kryetar i komunës së Malishevës.

Kastrati u zotua se do të jetë kryetar i të gjithëve, padallim.

Ai pas betimit ka bërë homazhe të varrët e dëshmorëve në Malishevë dhe Kleçkë.

Postimi i plotë:

Do të jem Kryetar i të gjithëve, pa dallim!

Sot dhashë betimin për mandatin tim të dytë si Kryetar i Komunës së Malishevës, një nder i madh dhe përgjegjësi e jashtëzakonshme ndaj qytetarëve që më besuan masivisht.

Falënderoj nga zemra të gjithë ata që sot morën pjesë në seancën solemne, përfaqësuesit e shoqatave të dala nga lufta e UÇK-së, bashkëpunëtorët, partnerët e koalicionit, anëtarët e asamblesë, administratën, strukturat e sigurisë, klerin, shoqërinë civile, mediat dhe mërgatën.

Mirënjohje e përhershme për sakrificën e dëshmorëve dhe të gjithë të rënëve për liri.

Mirënjohje të veçantë për familjen time, për përkrahjen dhe forcën që më japin çdo ditë.

Urime mandatin e ri të gjithë anëtarëve të Asamblesë Komunale.

Malisheva ka ecur shumë përpara me projektin e Malishevës Urbane, dhe do të vazhdojmë edhe më fuqishëm në katër vitet e ardhshme!

Faleminderit për besimin. Zoti na ndihmoftë e na priftë e mbara!

comment Për komente lëvizni më poshtë
Sot mund të lexoni Shfletoni kopertinat