Humbja tragjike e dy nxënësve, shkolla në Malishevë pezullon mësimin dhe shpall ditë zie

Kosova

Humbja tragjike e dy nxënësve, shkolla në Malishevë pezullon mësimin dhe shpall ditë zie

Më: 16 prill 2026 Në ora: 22:20
Shkolla “Ibrahim Mazreku” në Malishevë

Shkolla “Ibrahim Mazreku” në Malishevë e ka shpallur të premten ditë zie, pas rastit tragjik të humbjes së jetës së dy fëmijëve dhe babait të tyre.

Të dy fëmijët ndiqnin mësimin në këtë shkollë, ndërsa institucioni ka njoftuar për vendimin e marrë pas vdekjes tragjike të tyre.

Po ashtu, për ditën e premte është pezulluar edhe procesi mësimor.

“Në koordinim me Drejtorinë e Arsimit, Këshillin e Prindërve dhe Këshillin e Mësimdhënësve, njoftojmë të gjithë nxënësit, prindërit dhe stafin e SHFMU “Ibrahim Mazreku” – Malishevë, se në shenjë solidarizimi dhe respekti për ndarjen tragjike nga jeta të nxënësve tanë të klasës së tretë: Naile dhe Kujtim Berisha, si dhe të prindit të tyre, Ilir Berisha, dita e premte, më 17.04.2026, shpallet: Ditë Zie në shkollën tonë.

Gjatë kësaj dite pezullohet procesi mësimor.

Ftojmë të gjithë nxënësit dhe stafin që këtë ditë ta respektojmë me dinjitet, qetësi dhe solidaritet.

Për organizimin e mbledhjes përkujtimore do t’ju njoftojmë me kohë.”, thuhet në njoftimin e kësaj shkolle.

comment Për komente lëvizni më poshtë
Sot mund të lexoni Shfletoni kopertinat