Vetura ia godet garazhin në Druar të Vushtrrisë, pronari raporton dëme të mëdha materiale

Kosova

Vetura ia godet garazhin në Druar të Vushtrrisë, pronari raporton dëme të mëdha materiale

Më: 15 nëntor 2026 Në ora: 11:37
Foto nga vendi i ngjarjes

Një qytetar nga fshati Druar i Vushtrrisë ka raportuar se një veturë ka hyrë në garazhin e tij, duke ia dëmtuar veturën e parkuar dhe murin e objektit.

Sipas deklarimit të tij për Vushtrria Online, ngjarja ka ndodhur rreth orës 21:00, ndërsa dëmet materiale që ka pësuar janë të mëdha.

I njëjti burim thotë se vetura drejtohej nga një i mitur, rreth 16 vjeç. Ky informacion mbetet i pakonfirmuar nga autoritetet.

Në fotografinë e dërguar nga qytetari shihet një veturë pranë murit të dëmtuar dhe blloqe të rrëzuara në tokë.

Nuk janë dhënë informacione për të lënduar apo për rrethanat e plota të ngjarjes.

Sot mund të lexoni Shfletoni kopertinat