Propozim ligji për regjistrimin e popullsisë sot para deputetëve të Maqedonisë

Maqedonia

Propozim ligji për regjistrimin e popullsisë sot para deputetëve të Maqedonisë

Më: 14 dhjetor 2020 Në ora: 08:49
Kuvendi i Maqedonisë

Në seancën e 25-të të Kuvendit të RMV-së, sot në rend të ditës është Propozim ligji për Regjistrimin e Popullsisë, Familjeve dhe Banesave në Republikën e Maqedonisë.

Të dhënat për këtë regjistrim pritet të jenë të gatshme për gjashtë muaj, ndërsa Enti Shtetëror i Statistikave do të fillojë kryerjen e regjistrimit më 1 prill 2021, siç është planifikuar.

Drejtori i Entit Shtetëror të Statistikave, Apostol Simovski, javën e kaluar theksoi se regjistrimi do të bëhet me metodë të kombinuar, gjegjësisht ndryshe nga vitet e kaluara, do të ketë pyetësorë elektronikë në laptopë dhe do të ketë komunikim me bazat e të dhënave nga ku të dhënat do të shkarkohen dhe azhurnohen automatikisht nga terreni.

Kujtojmë se propozim ligji kaloi në leximin e parë në Komisionin për Çështjet Evropiane, me vota 10 pro, asnjë kundër dhe asnjë abstenim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat