Për shkak të mungesës së kuorumit dhe pranisë së vetëm 58 deputetëve, deputetët diskutojnë vetëm axhendën e vendosur me 20 pika, por nuk votojnë, sepse për të marrë vendime më të rëndësishme është e nevojshme të jenë 61 deputetë të pranishëm në sallë.
Kështu, në seancën e sotme, vendimi për vazhdimin e situatës së krizës me Covid-19 nuk u votua, vendimet për zgjedhjen e anëtarëve të Këshillit të Prokurorëve Publikë, si dhe vendimet dhe projektligjet e tjera nuk u miratuan.
Pasi kryetari i Kuvendit Talat Xhafer u bëri thirrje deputetëve të votojnë mbi një propozim për të zgjatur krizën, u përcaktua që 57 deputetë kishin votuar pro, pa asnjë abstenim. Pas numërimit të të pranishmëve nga shërbimet në Kuvend, u përcaktua se ka një deputet në sallë më shumë sesa ata që votuan.
“Votimi u anulua, ka 58 deputetë në sallë. Votimi do të përsëritet kur të krijohen kushtet për këtë pikë”, tha Xhaferi.
