Padi penale kundër një anëtareje të Këshillit Drejtues të SHA MEPSO për punë të papërgjegjshme

Maqedonia

Padi penale kundër një anëtareje të Këshillit Drejtues të SHA MEPSO për punë të papërgjegjshme

Më: 21 janar 2021 Në ora: 12:38
Foto Ilustrim

Drejtoria për Polici Financiare shtroi padi penale kundër një ish-anëtareje të Këshillit Drejtues të SHA MEPSO për punë të pandërgjegjshme në shërbim, pasi si projekt menaxhere përgjegjëse ka nënshkruar dhe konfirmuar pranim dhe implementim, ndërsa me atë i ka mundësuar pagesë një biznes sistemi informues, të furnizuar nga Konzorciumi King ICT SHPKNJP Shkup dhe King ICT SHPKNJP Zagreb, edhe pse sistemi i porositur nuk ka qenë funksional dhe me atë e ka dëmtuar buxhetin e SHA MEPSO në shumë prej 22.215.675 denarësh.

Padia penale kundër personi K.G. – anëtare e Këshillit Drejtues të SHA MEPSO në periudhë nga 24.06.2009 deri më 17.02.2016 është shtruar në Prokurorinë Themelore Publike Shkup më datë 18.01.2021.

“E denoncuara K.G. në cilësinë e projekt menaxheres përgjegjëse për Paketën 14 – Furnizimi dhe implementimi i sistemit të kompjuterizuar afarist të informacioneve (BIS) i financuar nga huaj e Bankës Botërore – ECSSE APL – 3 Macedonian project, në vitin 2016, në mënyrë të pandërgjegjshme ka vepruar në kryerjen e autorizimeve dhe detyrave të veta, në mënyrë që i ka nënshkruar dhe ka konfirmuar pranimin dhe zbatimin dhe ka mundësuar pagesën e Biznes sistemit informues, të furnizuar nga Konzociumi King ICT SHPKNJP Shkup dhe King ICT SHPKNJP Zagreb, edhe pse sistemi ka qenë jofunksional, gjegjësisht nuk ka qenë i përpunuar në pajtim me specifikimet teknike, module të veçanta kanë dhënë të dhëna dhe raporte të gabuara, licencat e dakorduara dhe të paguara asnjëherë nuk janë instaluar e as në periudhën garantuese ka ndërmarrë masa dhe veprime me të cilat do të rregulloheshin të gjitha mangësitë dhe softueri i blerë do të integrohej tërësisht në pajtim me specifikimet e dakorduara dhe në këtë mënyrë e ka dëmtuar buxhetin e SHA MEPSO për shumë prej 22.215.675,00 denarësh”, informojnë sot nga Drejtoria e Policisë Financiare.

Personi K.G. dyshohet për veprën e kryer penale “punë të papërgjegjshme në shërbim” sipas nenit 353-c paragrafi 3 nga Kodi Penal.

Shfaq komentet
comments powered by Disqus
Sot mund të lexoni Shfletoni kopertinat