Punonjësit e kulturës marshuan sot në Shkup kundër partizimit të kulturës

Maqedonia

Punonjësit e kulturës marshuan sot në Shkup kundër partizimit të kulturës

Më: 3 mars 2021 Në ora: 15:48
Foto ilustrim

Iniciativa nga Strumica “Kultura apo fis – kultura”, ka mbajtur sot një marsh protestues që përfundoi para Ministrisë së Kulturës, pasi një profesor i edukatës fizike u emërua drejtor gjeneral i Qendrës së Kulturës “Anton Panov” në Strumicë.

Njëra nga kërkesat kryesore të iniciativë është tërheqja e këtij vendimi. Aktori Vanço Vasilev para fillimit të marshit, theksoi se, kërkesën e tyre e bazojnë në atë që e dinë se nuk është kompetent për kryerjen e atij funksioni.

“Kërkojmë emërimin e një u.d. drejtor të ri i cili do të jetë nga radhët e bartësve të veprimtarisë dhe në afat sa më të shkurtës të shpallet sërish konkurs për zgjedhje të drejtorit gjeneral. Gjithashtu, kërkojnë që në pajtueshmëri me propozim ligjin e ri për kulturë, të ndryshohet neni 21, për kritere më të larta për zgjedhje të drejtorit në cilin do institucion nacional. Po ashtu, kërkojmë të shqyrtohen dokumentet e dorëzuara për dëshmi të kandidatëve se kanë më shumë se pesë vite punë në kulturë dhe dëshmi të të gjitha certifikatave dhe shqyrtimi publik i atyre certifikatave për njohje të gjuhës angleze”, tha Vasilev.

Punonjësit e kulturës kërkuan porositën para Qeverisë se kjo nuk paraqet vetëm problem lokal dhe se ata janë këtu në emrin e të gjithë atyre që janë të rrethuar nga zinxhirët partiak.

Njëra nga pjesëmarrësit tha se, strategjia për zhvillim të kulturës 2018-2022 është paralajmëruar si “Strategji e çlirimit nga politikat e kulturës së regjimit të pushtetit të kaluar”, përmes instalimit të një modeli i cili siç tha, do ta anulojë modelin e vendosur paraprakisht të pushtetit arbitrar dhe klientelist, i cili e partizan kulturën, duke e ngulfatur autonominë e saj dhe vlerën shoqërore.

Iniciativa “Kultura apo fis – kultura” më herët ka mbajtur disa protesta në Strumicë por edhe në Shkup, ku kanë qenë në takim me ministren e Kulturës, Irena Stefoska dhe me koordinatorit nacional për interkulturalizëm, një shoqëri, zhvillim të kulturës dhe bashkëpunim ndër resor, Rober Allagjozovski.

Shfaq komentet
comments powered by Disqus
Sot mund të lexoni Shfletoni kopertinat