MSH Maqedoni: S’ka nevojë për masa të tjera kufizuese, nuk do të jepnin rezultat

Maqedonia

MSH Maqedoni: S’ka nevojë për masa të tjera kufizuese, nuk do të jepnin rezultat

Më: 30 mars 2021 Në ora: 14:27
Foto ilustrim

Ministri i Shëndetësisë, Venko Filipçe në koordinim me drejtorët e Kovd Qendrave dhe kryetarin e Komisionit për Sëmundje Ngjitëse biseduan për gjendje epidemiologjike në vend, kapacitetet spitalore dhe gjendjen e të sëmurëve.

“Kapacitetet spitalore për pranim të pacientëve me COVID-19 për dallim nga nëntori janë rritur për 50%, ndërsa është rritur edhe nevoja për hospitalizimin e pacientëve që kërkojnë qasje serioze dhe kordinimi me sukses po menaxhohet. Qindra shtretër bëhen gati dhe në çdo moment nëse është e nevojshme mund të ketë pranim të pacientëve me COVID-19”, thonë nga Ministria e Shëndetësisë.

Nga MSH shtojnë se në mbledhje është biseduar edhe edhe për terapinë e pacientëve të cilët janë të hospitalizuar.

“Sipas analizave të epidemiologeve, nuk ka nevojë për masa të reja kufizuese, përkatësisht të njëjtat nuk do të jepnin rezultat duke pasur parasysh se jemi në fund të valës, përkatësisht në javën e 6 nga 8 javët e valës së tretë”, thonë nga MSH.

Epidemiologet theksojnë se virusi ka infektim në gjithë territorin e vendit dhe në anënt tjetër, të gjitha spitalet kanë shtretër të lira.

Shfaq komentet
comments powered by Disqus
Sot mund të lexoni Shfletoni kopertinat